Home / 評論分析 / 博評 / 【特稿】事實勝於雄辯 梁國雄參選不就是要拉倒曾俊華嗎?

【特稿】事實勝於雄辯 梁國雄參選不就是要拉倒曾俊華嗎?

長毛梁國雄昨日在多個訪問中都明言參選是要令到泛民選委不要投給曾俊華。
長毛梁國雄昨日在多個訪問中都明言參選目的是要令到泛民選委不要投票給曾俊華。

 

【香港輕新聞】本網昨日刊發一篇標題「梁國雄明言參選特首目的是要拉倒曾俊華」的報道,就長毛梁國雄在各傳媒訪問對答內容綜合作出報道。

梁國雄在訪問中,非常清楚地說明:「我出來選就是要唔好投票俾佢(曾俊華)」,本網從長篇的對談中抽出最重要的信息,以精簡文字作標題,讓讀者容易了解新聞內容,卻遭到部分傳媒和寫手質疑。

本網無意猜測部份寫手的動機,但希望對新聞事實作出清晰無誤的說明。故此,本網將梁國雄昨日接受傳媒訪問的話再節錄出來,讀者可自行判斷。

 

D100《左右大局》長毛講參選原因:

  • 19年來未有試過有民主派選委鼓吹將選票給建制派候選人(指曾俊華),我出來選就是要唔好投票俾佢,一係投票俾我,一係投白票……今屆民主派無派人出來。
  • 今屆泛民出來同人講叫人投曾俊華,如果你覺得我是民主罪人,你地咪鬧囉。
  • 以前民主派唔會話兩害選其輕,我未聽過。
  • 2007年我認為不應該參選,而家參選是由我的想法……你地唔明!
  • 我問大家一個問題,你地咁鍾意曾俊華,你地咪去幫佢拉票囉,點解要問一個人出來,透過公民提名出來,去出來參選,去提醒大家唔好投佢票嘅人係錯嘅呢?因為競選是競選嘛,你而家可以開足電台話我參選是「鎅票」,千祈不要投票俾我,千祈唔好提名我,咁咪得囉,你可以話曾俊華是好重要,集中票源俾佢咪得囉,點會問我呢?

 

商台《在晴朗的一天出發》長毛訪問撮要:

  • 造神造到曾俊華是香港大救星,神已經造出,我唔再抝!……這麼快造神,大家要反省!
  • 最擔心是將所有選民的政治授權俾晒曾俊華,舉個例來說,在美國也不會有一黨的存在是要制衡另一黨,正常的選舉制度不會有政黨向選民這樣講的,攞晒選票去制衡另一黨,只有永遠贏的黨才會這樣,這就是小圈子選舉的陋惡性。泛民主派的存在,上一屆梁家傑是要表現有執政能力,所以參與競爭,今次退一步,不與你競爭,但要令到你地裡面一人必然當選,他在政治學裡未聽過!
  • 如揀了曾俊華,曾俊華便成為香港回歸以來,第一個得到政治反對派支持大力推薦的特首……我想問你,你已經俾咗政治支持人地,第日點攞翻?
  • 任何人做無論做任何嘢,直接或間接或可疑地會令到曾俊華當選機會稍為減低,就是對唔住香港人,而家都不是講民主罪人,我變成又是反民主,又係令到香港人水深火熱的人?我完全睇唔到!
  • 民主派授權曾俊華非常之危險
  • 民主派應該認同香港人要用自己力量,不是靠別人賜予去令到當權者明白佢係要俾香港人一個合適的普選令我地的自治是真的,運動的存在最重要!
  • 好明顯曾俊華過去做咗十年估錯數,好孤寒對於社會福利,對基層很吝嗇,20年之後香港老人家多會成為香港負累,所以我地要未雨籌繆,留筆錢適時地建大型基建去刺激經濟,我與他是老對手,我拉咗4年布,都是反對他,講起要支持曾俊華,有無考慮過老人家!
  • 參選希望達到客觀效果是希望泛民選委尷尬?一定有客觀效果,拿到三萬八民間提名後會安排見選委,如泛民選委說明支持曾俊華是反西環操控的策略,你咪講明囉,第日曾俊華有問題,你地咪去反對囉!
  • 有人問曾俊華都贏,你出來搞甚麼局?呢的才是民主嘛!
  • 講真話好難,當有人做神,你走出來說好危險,梗會被人鬧,鄧小平、毛澤東做咗出來啦,這個神,我問曾俊華有無咁嘅能力,在歷史脈胳裡,值唔值得大家當他是神?

梁國雄商台訪問結尾:

  • 陳志雲:林太個邊好多謝你今朝嘅說話。
    長毛:點解林太個邊?
    陳志雲:你而家助緊佢選,好似係。
    長毛:林鄭月娥根本唔應該投佢票。點解我唔鬧林鄭月娥,因為對林鄭月娥無幻想,嘩!你這樣解讀我的嘢?……我講明,所有鬧曾俊華的嘢,雙倍奉還林鄭月娥。

手機分享本文:

Scan the QR Code
龍藝祥
香港輕新聞副總編輯

Check Also

最宜居城市之一多倫多發生獨狼式襲擊25死傷

    & ...

One comment

  1. 其實理念上同立場上有乜可能唔撐長毛?而家問題係長毛參選嘅後果,係好可能倒轉咗增加小圈子選舉嘅認受性!

    就算唔諗Lesser Evil、唔講𠝹JT票,咁都要就事論事睇:長毛入局能否做到其設想「凸顯小圈子選舉荒謬」的目標?

    要先講一下:2012泛民有搞民間特首初選,意義同本質和今屆搞「民間」公民提名類同,但就被長毛大罵是合理化小圈子選舉,然後拉隊到民間票站示威惡搞。

    而今屆的「民間公民提名」、「民間選特首」更容許建制候選人也列入名單,這安排將令長毛入局做成嚴重「事與願違」、更「合理化小圈子」的後果!理由如下:

    1. 部份建制候選人民望現遠高於長毛,若最終「民間選特首」結果同樣出現建制候選人得票遠超長毛,便會合理化建制「小圈子選舉與普選同樣跟從民意結果無異」這論述!

    2. 2007年梁家傑入局經辯論後民意大幅超越曾蔭權、選委會投票卻大敗,反而成功凸顯了小圈子選舉的荒謬!

    可是請設想一下:若長毛即能入局民調上也不可能超越部份建制候選人,便易做成「泛民候選人民望不及建制,落敗也是正常」這間接撐起小圈子選舉合理性的印象和惡果!

    https://popvote.hk/cecr2017/stat/

發表迴響

你的電子郵件位址並不會被公開。 必要欄位標記為 *