Home / 時事拆局 / 全文照錄 / 謝安琪質疑流感疫苗成效及安全惹醫學界聯手反駁(附全文)

謝安琪質疑流感疫苗成效及安全惹醫學界聯手反駁(附全文)

謝安琪形象健康,說話易被粉絲受落,醫學界擔心其對流感疫苗的言論誤導市民。

 

【香港輕新聞】歌手謝安琪一段批評流感疫苗成效的錄音聲帶在網上瘋傳,內容指流感疫苗的成效低至一成,並有加入水銀、鋁等,質疑流感疫苗的成效及安全性。

由於謝安琪是歌星,言論容易令市民受落,令醫學界擔心推廣接種疫苗以防止流感蔓延的努力因此白廢,所以多位專家出面駁斥謝安琪的言論。

衞生署重申,接種疫苗是預防季節性流感及併發症的最有效方法之一,強調是安全及有效的方法;香港醫學會亦發聲明指斥該等說法荒唐。

謝安琪反流感疫苗錄音全文

謝安琪反流感疫苗錄音全文

我覺得如果大家真係覺得有需要打疫苗啦,其實任何嘅疫苗,我覺得大家都不妨、即是厚著面皮問一問個嗰醫生,問吓佢知唔知嗰疫苗入面有無水銀啦,同埋鋁啦,同埋個嗰疫苗係喺乜嘢載體到做出嚟,因為譬如今年嘅疫苗,個嗰成效非常之低啦,係少過10%,即係100個人裡面打咗呢,其實9個啦……唔係sorry,係10個人打咗,其實有9個都係照流感嘅,得一個人有效嘅者,咁嗰一個人有效,究竟係關嗰支疫苗事,定喺佢本身抵抗力強呢,真係唔知啦。

咁今年嘅疫苗有一個特色,係用雞蛋培植出嚟嘅,咁今年嘅流感疫苗個製作過程係咁啦,其實年年都係咁,喺夏天嘅時候,咁啲科學家就會喺到好似買大細咁啦,估今年邊一隻流感會中啦,咁佢哋就會約略搜集幾十隻呢啲咁嘅病菌啦,咁就培植佢啦,咁培植嘅方法就係將呢啲病菌攞返來,跟住呢今年就係打入去一啲母雞嗰度,咁打咗入去佢嘅身體,嗰個母雞就帶住呢啲病毒啦,咁然後生咗啲蛋出嚟啦,咁佢哋就係啲蛋裡面抽返呢啲病菌出嚟就去製作疫苗嘅,咁就加我頭先所講嘅水銀吖、鋁吖嗰啲落去啦,做抗菌劑同埋佐劑,咁就去製作疫苗。

咁就有一個問題呢,其實年年都係咁,佢哋嘅製作過程只係用咗3個月時間最長都係,咁就叫你哋打喇,咁究竟呢啲疫苗每一支裡面嗰啲細菌嘅活躍程度啦、咁或者每一支疫苗入面究竟載有咗幾多粒細菌啦,因為佢哋製作嗰時「bear bear bear」咁逐支啤,其實每一「姐」嘢落去嘅時候,「姐」咗幾多菌落去呢,係唔會逐支幫你check㗎嘛,咁所以其實每支疫苗究竟會幾有效、同埋幾唔有效,或者係幾有害呢,係都係博一博嘅。

咁而至於嗰支疫苗有無用呢,就更加係無check過嘅,因為得3個月時間,佢整完都已經打咗落你嗰到啦,咁究竟佢係做過啲乜嘢嘅安全檢測呢,我可以話畀你知係無嘅,咁流感疫苗就係咁嘅一回事喇。

咁所以今年嘅疫苗用雞蛋做出嚟呢,仲有一個問題呢就係其實好多人打嗰時就已經病咗,其中一個原因就係,因為啲疫苗呢啲細菌打咗入去母雞嗰度,咁佢哋係要、個細菌要keep住係好得意㗎嗰狀態係,佢哋又唔可以死晒,但又唔可以係太活躍,咁嗰細菌打咗入去嗰母雞到,咁生咗出嚟嗰啲雞蛋就係有菌嘅雞蛋。然之後佢哋發現依家抽返呢啲雞蛋來驗呢,係你發現嗰啲病菌係變種咗,發生咗突變咁啦mutation,咁呢然之後好多人打呢啲流感疫苗嘅時候呢,就已經頂……身體抵抗唔到就病鬼咗啦,因為係一隻變咗種嘅勁菌嚟嘅,然後呢啲人病咗呢,就將呢啲菌係嗰社區嗰到散發出去啦,咁就所以今年流感係有一部分責任來自啲疫苗啦。

咁呢打咗疫苗嘅人中咗招啦,仲將呢啲變咗種嘅勁菌散播咗出去,咁所以其實打呢啲流感疫苗係對抗唔到今年呢一隻特別嘅菌嘅,咁呢個就係其中一個原因。

咁同埋我唔打疫苗嘅其中一個原因就係,其實疫苗都係或多或少,佢都一定喺係動物嗰度、唔係或多或少,係直頭係喺動物嗰度培植出嚟嘅,咁就會將動物嘅DNA同人類DNA就因為咁樣交差感染咗啦,就有呢嗰風險,即係將一啲動物嘅DNA打咗入去你哋嘅身體嗰度,我就一向都好唔喜歡呢嗰諗法,將動物DNA打咗入去人體嗰度,加埋其實製作疫苗又要加水銀、又要加鋁,總之佢一定要加抗菌劑啦,就算唔係水銀、唔係鋁,都會係其他嘢啦,咁去控制啲菌,咁同埋去刺激嗰身體去造成反應啦,所以啲BB仔會發燒、會「盛」咁樣啦,所以我就真係唔係好認同用疫苗去做、即係對抗疾病嘅方法囉,所以我就唔打流感疫苗嘅,咁我嘅小朋友都唔打啦,咁老人家我更加無叫媽咪吖、老爺奶奶嗰啲打啦,daddy吖唔打啦,咁就係因為我諗來諗去,打疫苗真係好唔著數,同埋好高風險,所以就無打囉。

2009年,謝安琪為香港癌症基金會擔任關注子宮頸癌活動大使(互聯網圖片)

衞生署指今季疫苗的抗原與流感病毒脗合

衞生署表示,接種疫苗可減低因感染流感而入院留醫及死亡的風險,今季疫苗的抗原與本港今年冬季流感季節流行的流感病毒脗合。署方指,流感疫苗已沿用70年,經過反覆試驗及品質檢測,證實非常安全可靠。本港現時使用的均為滅活流感疫苗,疫苗內並無活病毒,因此不會引致感染流感病毒,更不會傳播變種病毒。

現時使用的疫苗不含水銀化合物及鋁

署方澄清,雖然疫苗內雖含有雞蛋白質,但製造過程經過反覆純化,含量極少,即使對雞蛋敏感的人士,一般情況下亦能安全接種。署方指出,無論在「政府防疫注射計劃」及私人醫療市場,現時使用的疫苗全部為單劑量預充式注射劑,不含水銀化合物作防腐劑,亦無鋁的成分。

何栢良指疫苗內的抗原無細菌或活病毒

港大感染及傳染病中心總監何栢良表示,本港正使用的四價疫苗,能針對現時流行乙型流感山型家族的病毒,強調公私營診所正使用的疫苗都不含鋁或水銀成分。何栢良解釋,部分疫苗有添加劑以作防腐,亦有可能添加佐劑,加快疫苗接種後產生的免疫力。疫苗內的抗原沒有細菌或活病毒,因此不會令接種人士發病,或出現任何交叉感染及基因變異。

袁國勇指謝安琪說法與科學事實不符

港大微生物學系講座教授袁國勇反駁指,有關說法完全錯誤,並與科學事實不符,澄清今年流感疫苗的成效達五成至五成半,亦不含對人體有害物質。袁國勇在一個電台節目說,各國科學家,包括本港衞生署轄下的病毒學家,每年都會在瑞士開會,將過去一年在實驗室存在的病毒,進行基因排序分析,測試病毒抗原,決定最適合的疫苗種子加入疫苗,製作過程有經過繁複估算。袁國勇承認流感病毒變化速度快,因此有時會估計錯誤,但通常四種疫苗會有三種選中,他澄清製作步驟是將疫苗種子打入雞蛋,是用雞的胚胎製作,並非母雞,再以化學方法將病毒表面抗原分離,不含水銀及鋁,過程加入的防腐劑亦對人體無害。

謝安琪回應為自己的家人做最好的選擇

謝安琪今日在其社交網站帖文,指錄音是私人群組的交流,無意公開,更無意影響大眾對流感疫苗的看法。其回應全文如下:
「有關昨天流傳的一段錄音來自我和朋友之間一個私人群組的交流,輾轉被公開轉載和報道,我亦感到非常詫異,那確實是我和朋友之間細閲幾份資料的交談內容一部分,我從來無意公開,更無意影響大眾對流感疫苗的看法,作為家長和關心家中長輩的人,我非常着重家庭健康時常參考不同來源的資料數據,例如醫學文章發佈、自然療法消息等等,也會與身邊的朋友交流,其他有助提升免疫力的資訊和媒體報道,因為我深信每一位愛家的父母都會努力履行自己的責任,為自己的家人做最好的選擇,無論是飲食醫護,還是日常照顧,我都有參照西醫中醫的專業意見,也會根據家人的狀況和體質,去了解和照顧他們的需要,近日流感肆虐,在此祝福各位家長,大家一起繼續努力,保障自己與孩子的身心健康,共勉之。」

手機分享本文:

Scan the QR Code
倪一祥
香港輕新聞編輯

Check Also

金正日逝世七週年 朝鮮狠批美國制裁

【香港輕新聞】前朝鮮領導人金正 ...

發表迴響

你的電子郵件位址並不會被公開。 必要欄位標記為 *

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料