【香港輕新聞】天王歌手黎明入行30周年在中環海濱舉行八場4D演唱會，原定上周四晚拉開序幕，但一波三折，首場演唱會臨開騷前兩小時，因所採用的國產帳篷物料未符消防要求而被急煞停，由於主辦單位未能遵辦消防安全規定，負責審批臨時公眾娛樂場所牌照的食物環境衞生署未能發出臨時牌照，首場演唱會需改期，翌日主辦單位決定將不合格帳篷拆走，才符合規定開騷，期間黎明親自向受影響粉絲道歉，公關手腕贏晒。

粗口錄音在社交軟件流傳

但事件並未完結，在社交軟件中出現一段疑似黎明講及今次取消演唱會事件的錄音，講話內容夾雜一些粗口，到最近更流傳一套短片，配合這段錄音，更附有字幕，幾可亂真，但細看下發現黎明口形似乎有點不夾，疑似又是惡搞二次創作。

黎明曾經批評某些熱狗不好食

網傳出黎明嘅惡搞聲，聽落都有幾份似，該把聲稱：「我依家乜嘢都唔知，我淨係係知道好X大鑊，到last兩個鐘頭先話畀我知唔批，即係玩嘢啫，我理X得你啲布料係用英國規格、日本規格，定武裝規格，係防火布就係防火，唔通房祖名，你明明我想講咩，頭先至同我講批布料係中國製造，仆X喇!今次你X味，畀佢翹起，唔講我要整熱狗。」

最後一句整熱狗「畫蛇添足」

本來把聲都幾可亂真，不過，最後一句講要去整熱狗，就似乎是網民惡搞，事緣早前黎明先玩facebook live，講香港有啲地方整熱狗唔好食，又問啲人整得唔好食，做乜要賣，今次黎明惡搞聲硬加入「整熱狗」，很可能是被整蠱。