【香港輕新聞】早前網絡紅人「King Jer」上載一條短片，將藝人謝霆鋒為浙江衛視拍攝的《十二道鋒味》的片段，剪輯成「霆鋒chok爆烹飪合集」。當中一幕謝霆鋒烤出「淋過毛巾」的雞蛋仔，成為網民熱話。沒想到政府惜食香港運動的「大嘥鬼」都抽埋一份，呼籲市民「淋晒都要食曬佢」！

大嘥鬼在fb貼出圖片，身著廚師服，手執「淋過毛巾」的雞蛋仔，仲話「作為一個廚師最重要就係對食物有一份尊重，就算淋晒嘅雞蛋仔，都一定要食曬（晒）佢架！」帖子仲標籤咗「#十二道鬼味」、「#淋過毛巾呀 」、「#人稱香港GordonRamsay」同「#Chok住咁尊重食物」。

帖子一出，即引發網友狂like，已獲得逾1800個分享。在帖文留言處，大嘥鬼又稱「喂喂，玩還玩，正經野我都好比心機做架」，順道宣傳其「回收配套攻略」。