【香港輕新聞】在昨晚有線電視舉行的立法會選舉論壇前，新界西自由黨候選人周永勤收到錄音，稱不滿周永勤政治抹黑，並威脅會召集二三十人在論壇現場狙擊周。周永勤隨即在選舉論壇上宣布停止競選工程，變相「退選」。何君堯今早接受商台節目訪問時承認，已經認出該錄音為自己團隊的義工，但強調自己不知情。

周永勤在昨日出席立法會選舉新界西論壇時，已是一個人出場，身後既無支持者，也沒有像其他參選者一樣攜帶宣傳品。輪到他發言時，一開始便說：「要宣布一個非常沉重的決定」，隨即表示自己決定停止所有爭取選民支持的選舉工程，原因是「我唔想身邊重要嘅人，惹上更高層次嘅麻煩或者賠上代價」。他同時表示，這個論壇將會是自己出席的最後一個。他在發言最後，向一直支持自己的人道歉並鞠躬，「因為我個人力量唔夠，可能辜負咗大家」。

因為在之前的選舉論壇，周永勤與同時新界西候選人的何君堯曾發生辯論，周曾指控何不是原居民、欺騙原居民。隨後論壇中，有多名候選人分別質問同場的何君堯，與周永勤「退選」的決定是否有關係。熱血公民候選人鄭松泰更質問同場的何君堯是否可以為周提供協助，何表示「如果他來找我就會和他談，但現在自己也不清楚發生什麼事。」；民主黨候選人尹兆堅也把矛頭指向何，稱不允許任何強權介入選舉，何君堯則反駁「我連指控係咩都唔知」。

周永勤在總結發言時再次表示，「死其實並唔可怕，其實人最可怕既係，保護唔到身邊重要既人。」他同時表示「都深感受到，雞蛋同高牆的關係。人天生是有追求公平公正公義既心，我係因為呢種純粹，變咗雞蛋；我唔怕做粉身碎骨的雞蛋，也都唔怕面對這些烏合之眾，但我唔想身邊的人，惹上更高層次既麻煩。」

自由黨在當天晚上發表聲明，稱對此事感到震驚；同時他們也正試圖聯繫周永勤，盡力了解事件原因，並會在查明真相後作出相關行動。據《明報》消息，自由黨的田北俊表示自己事前並不知情，而自由黨主席鐘國斌則是記者詢問後才知悉周永勤退選決定。

何君堯接受商台節目訪問時承認，已經認出該錄音為自己團隊的義工。該義工昨日早些時候曾與其他義工就25日晚論壇商討策略，希望能為何君堯出聲。《明報》引述何君堯發言，表示何已經向該義工了解過，又表示自己事前不知情，後來也已決定不應採取狙擊策略。

對本次事件， 中大政治與行政學系高級講師蔡子強認為， 事件的細節仍有待進一步發掘。他表示周永勤的說法相當曖昧、 語意不明， 亦沒有提出實質的說法， 但如果周永勤的說法屬實， 則是非常嚴重的事件， 令公眾不再相信選舉有公信力。蔡子強說， 周永勤反應很大， 令人關注事件， 今次亦是首次有候選人提到因為自身及家人的人身安全受到威脅而被迫停止競選， 情況相當嚴重， 政府和選管會應該跟進事件。

根據《立法會條例》第42條，「候選人只可在提名期結束前退出競選」，故此選民仍然可以投周永勤一票。

• 同區其他參選人請參閱輕新聞立法會選舉專頁。

周永勤開場發言內容：

各位選民，我喺4號嘅候選人周永勤。我從政22年，長時間為新界西市民服務，到底我喺一個點樣嘅從政者，大家可以喺互聯網或者 facebook，甚至街坊口中了解到，我究竟喺一個點樣嘅區議員；我現在要向大家宣布一個非常沉重嘅決定，基於我唔想身邊重要嘅人，惹上更高層次嘅麻煩或者賠上代價，過咗今晚，我會停止爭取所有選民支持嘅選舉工程，呢個論壇將會喺我出席嘅最後一個。

喺嚟緊嘅4分30秒主場質詢，我唔會向我嘅競敵提出任何提問，亦都唔會回應任何問題；到咗總結時間，我會再發言。

喺呢喥，我要向一直支我嘅義工、教友、街坊、支持者鞠躬道歉，因為我個人力量唔夠，可能辜負咗大家，對唔住。

周永勤總結發言內容：

喺8月13號，我喺中環碼頭天橋底出席咗一個民間團體搞嘅公開論壇，其中一位年輕侯選人好激動回應台下質詢，佢發誓咁講「如果我做咗尐對唔住香港人嘅事，就不得好死！」當時我見到27歲嘅自己，都一樣喺充滿熱血，要服務社會；經過咗22年嘅議員工作。今日我想講，死並唔可怕，我身為一個基督徒，我知道我死後與主同在。

其實，人最可怕嘅喺，看見自己無辦法保護到自己身邊重要嘅人；同時我亦深深感受到雞蛋同埋高牆嘅關係。人天生有追求公平公正公義嘅心，好純粹；我就因為呢種純粹，變咗做雞蛋，我唔怕做粉身碎骨嘅雞蛋，唔怕面對烏合之眾，但我唔想身邊重要嘅人，惹上更高層次嘅麻煩或者賠上代價。我充分感受到個股無助感！

廿年深耕‧新西希望，我似乎錯啦；原來大家都唔喺咁著緊有希望，「希望」喺我咃嘅社會已經變成奢侈品。

好對唔住，因為我個人力量唔夠，可能辜負咗大家。

曾鈺成講：香港一定要贏，我想講最後一句：香港人喺唔可以輸！