【香港輕新聞】本港樓市近期熱返，租金亦水漲船高，甚至蔓延至床位租金。大埔村屋的90呎房碌架床床位，上格床租3200元，下格床則租3600元，令人驚嘆！

FB群組「馬鞍山之友」有網民上載圖片，寫明大埔新屋家一間村屋招租，免佣金及管理費、包Wi-Fi上網，並聲稱10分鐘可抵達大埔墟港鐵站、家電齊全。

經傳媒查詢，業主稱擁有一幢3層的村屋，一層自住，另一層有3間房，每間房90呎，其中一間留用招待朋友，另一間已出租予親友，餘下一間房的下格床亦已出租，只剩上格床可供選擇。業主稱，租約為期一年，要先繳交3個月租金，水電費參考價約為每2個月150元。

業主：租金合理 fresh grad可負擔

發貼者憤慨表示，「已經住到入山旮旯嘅鄉村，仲要講緊要行兩公里斜路先到火車站，都仲要分租。唔係講緊租間房，係租張床咋都要$3200，人都癲！」亦有人疑慮，若與同房租客「不夾」點算？

業主對此回覆指，床位租予「fresh grad」的打工仔，正好可以讓他們居住在工作附近的地方，免卻每天舟車勞頓之苦，亦希望建立起一個如大學宿舍的氛圍，讓一眾年輕住客可以有機會互相認識；又介紹已租住下格床位的租客，剛大學畢業，在大埔工業邨上班，生活有規律，而且整齊企理，若最終相處不來，可盡量安排調房。

對於網友對租金太高的質疑，業主認為價錢相對市場而言算合理，「畀錢嘅人總係覺得畀貴咗……租金貴過大學宿舍，大學宿舍有資助，我做唔到宿舍價」。